Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Маккада каъбапўш кўргазмаси очилди
Marwa.ru манбаларининг хабар беришича, Макка шаҳрида Муқаддас Каъбанинг ёпинчиғи – каъбапўш кўргазмаси очилди. Кўргазмага ташриф буюрувчилар унинг бир неча асрлар давомида қандай бўлганлиги ва бугунги кундаги замонавий ҳолатини кўришлари мумкин. Экспозициядан шунингдек, Каъба ёпинчиғини тайёрлашда ҳунармандлар фойдаланадиган асбоб-ускуналар жой олган.
Шуни таъкидлаб ўтиш жоизки, бу жуда ҳам машаққатли жараён бўлиб, битта ёпинчиқни тайёрлаш учун бир неча ой вақт сарфланади. Матони яратиш жараёнининг турли боскичларида 170 га якин турли усталар иштирок этади.
Эслатиб ўтамиз, Каъба ёпинчиғи – Кисва бир йилда бир марта алмаштирилади. Бу иш арафа куни амалга оширилиб мазкур кунда ҳожилар Арофат тоғида ҳаж амалларини давом эттираётган бўладилар.
Islam-today сайтидан олинди
