Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Британиялик муслима Салва Ҳусайн 2017 бутун сайёрада ўхшаши йўқ аёлга айланди – том маънода, ҳеч муболағасиз. Yenicag.Ru нинг IslamNews га таяниб маълумот тарқатишича, Салванинг беқиёслиги шундаки, унинг кўкрак қафасида юраги йўқ. У рюкзагида олиб юрадиган кичкина моторчали ускуна юрак вазифасини ўтайди. Ғаройиб беморнинг касаллик тарихи ярим йил аввал бошланган. Икки фарзанднинг онаси, 39 ёшли Салва кутилмаганда кучли ҳансираб, ўзини беҳол ҳис қила бошлади. Аранг автомобилига етиб олди ва терапевт ҳузурига борди. У ердан аёлни касалхонага жўнатишди ва юраги ишламай қолаётганини маълум қилишди. Орадан 4 кун ўтиб у бошқа бир касалхонага ўтказилди, бу сафар бутун дунёга машҳур клиникага. Салванинг аҳволи шу қадар оғир эдики, юрак кўчириш амалиётини кўтара олмасди. Шунда муслиманинг турмуш ўртоғи ўзига хос ва жуда хавфли амалиётга розилик билдирди. Салванинг касал юраги олиб ташланди, унинг ўрнига махсус камералар ўрнатишди ва уларни Салва ҳозир рюкзагида олиб юрган сунъий юрак билан боғлашди. Британиялик муслима ҳамиша ўз юрагини рюкзагда олиб юришга ва шу билан яшашни ўрганишга мажбур бўлди. Агар ускуна ишдан чиқса ёки батарекасининг қуввати қолмаса, яқинларида уни алмаштириш учун 90 сониягина вақт бор, акс ҳолда аёл ўлади. Бундай оғир ҳаётда уни бир ярим яшар қизчаси ва 5 ёшли ўғилчаси ушлаб турибди.