Афғонистонлик ихтирочи қизлар жаҳонни лол қолдирмоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Афғонистонлик ихтирочи қизлар жаҳонни лол қолдирмоқда

Афғонистонлик бир гуруҳ қизлар Таллинда бўлиб ўтган Robotex роботехника фестивалида ғалаба қозондилар. Аввалроқ улар Вашингтонда бўлиб ўтган шундай танловда кумуш медал соҳиби бўлгандилар.

Ҳиротлик 14 ёшдан 17 ёшгача бўлган бир гуруҳ қизлар илк бора ўтган йилнинг ёзида ўзларига эътиборни тортган эдилар: ўшанда уларга Вашингтондаги танловга боришлари учун Америка визаси берилмагани катта шов-шувларга сабаб бўлган, аммо кейин қизлар танловда барибир қатнашиб, совриндор бўлгандилар.

Ноябрь ойида Таллинда бўлиб ўтган мусобақага эса гуруҳдаги 12 қиздан 3 нафари келишди. Улардан истеъмолчиларнинг қизиқишига сабаб бўладиган ва аниқ бир вазифани ечишга қодир роботни намойиш этиш талаб қилинганди. Қуёш батареяларида ишлайдиган ва фермерларга ёрдам берадиган робот уларга ғалаба келтирди.

Қизларни танловга олиб келган Афғонистон аёлларининг имкониятларини кенгайтириш бўйича “Фуқаролик рақамли фонди” (Digital Citizen Fund) раҳбари Рўйя Маҳбуб ёш ихтирочиларнинг ушбу ғалабасидан ғоят завқланганини яшириб ўтирмади.

“Мен бу жамоа билан фахрланаман. Бу техник таълим олган ва ўз мамлакатини халқаро майдонга муносиб тарзда олиб чиқаётган янги афғон қизлари авлодидир”, – деди Маҳбуб.

Манба: islam.ru

Мавзуга оид мақолалар
Маълумки, шариат истилоҳида рўза тонг отгандан то қуёш ботгунича ният билан рўзани очувчи нарсалардан ўзни давоми...

15:26 / 02.05.2019 4212
12 май санасида Хадичаи Кубро аёлқизлар Ислом билим юртида «Жамиятимизда аёлларга кўрсатилаётган давоми...

12:16 / 05.03.2017 4884
    Аниқланишича, сизнинг уйқудаги ҳолатингизга кўп нарса боғлиқ экан. Одатда, буни уйқудаги умуртқанинг давоми...

15:20 / 23.02.2017 32409
Татаристон Республикаси Мусулмонлар идорасида «XXI аср аёли. Ислом бугунги кун ва келажак дини» лойиҳаси давоми...

12:01 / 25.01.2017 5002