Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бугун Ўзбекистон-Мадина йўналиши бўйича соат 09:30 да учган яна бир гуруҳ ҳожилар муқаддас ҳаж амалини бажариш учун жўнаб кетишди. Унда жиззахлик ва тошкентлик 236 нафар ҳожи биродарларимиз бор бўлиб, гуруҳ билан «Muslimaat.uz» сайти ходими ҳам бирга. Ходимимиз сиз азизлар билан сафар таассуротларини ўртоқлашиш ниятида. Иншааллоҳ, ҳаж сафари давомида сизларга қизиқарли ва манфаатли бўлган маълумотларни етказиб берамиз. Сиз азизлар эса фото ва видео лавҳаларимизни кузатиб борасиз, деган умиддамиз.
Ҳурмат билан «Muslimaat.uz» сайти ходими
