Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 манба: http://www.anazahra.com/women-society/tourism/photo-/

Араб тилидан Муслима таржимаси

Тайландда илк Исломий меҳмонхона очилди

 Тайланд ўзининг мафтункор табиатининг хилма-хиллиги билан дунёга машҳур. У йилига миллионлаб сайёҳларни ўз бағрига олади. Уларга бир-биридан кўркам меҳмонхоналар юқори даражада хизмат қилади. Статистик маълумотларга қараганда Тайландга ўтган йилнинг ўзида 30 миллион чет эллик сайёҳлар ташриф буюришган бўлиб, уларнинг аксарияти ўрта шарқ минтақасига мансубдир. Шу нуқтаи назардан Банкок шаҳрида мусулмон сайёҳларни қамраб олувчи тўрт юлдузли илк исломий меҳмонхона ишга тушди. Бу меҳмонхона исломий меъморчилик услубида қурилган бўлиб, шовқин-сурондан йироқ, ҳавфсиз ва қулай жойда дам олишни хоҳловчи сайёҳлар учун мўлжалланган. Меҳмонхонада иккита масжид, учта ҳалол ошхона бор. Бу ҳалол ошхона топишга қийналган мусулмон сайёҳлар учун айни муддао. Ўтган йили Тайланднинг саёҳат вазирлиги ҳалол таомлар сотадиган ошхоналар ва мусулмонлар ёқтирадиган жойларни смартфонларга татбиқ қилди.