Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
2023 йил 16 апрель
Жанубий Кореяга сафаримиз давом этмоқда.
Рамазоннинг 25-кунини ҳам шу ерда қаршиладик. Эрталабдан сафаримизни давом эттириб, Кимхэ шаҳрига етиб келдик.
Кимхэ шаҳри Кореянинг жануби-шарқий томонида жойлашган. Шаҳар Кёнсан-Намдо вилоятига қарашли бўлиб, табиати ниҳоятда гўзал, иқлими тоза экан. Бу шаҳар порт шаҳарларидан бири бўлиб, бу ерда кемасозлик заводи жойлашган. Бизнинг ҳамюртларимизнинг кўпчилиги мана шу кемасозлик заводларида меҳнат қилишади.
Кимхэ шаҳрида бизни юздан ортиқ ҳамюрт опа-сингилларимиз кутиб олишди. Улар билан Рамазоннинг фазилатли даҳалари ҳақида суҳбат қилдик. Бу файзли кунларнинг қадри, охирги ўн кунлигидаги муборак кечалар ҳақида улар билан ўртоқлашдик. Юртдошларимиз динимиз аҳкомларига доир саволларига устоз Одинахон Муҳаммад Содиқдан жавоблар олдилар. Учрашув сўнгида хатми Қуръон ва хайрли дуолар қилинди.
Тадбирдан сўнг юртдошларимиз ва уларнинг болажонлари билан ифторлик қилдик.
Сафаримиз давом этади. Бизни кузатиб боринг!
Машкура Абдулҳамид қизи,
Жанубий Корея
