Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Доктор Аҳмад Амин шундай дейди: “Ҳаётда Аллоҳ таолога имон келтириш бахтнинг энг ширин лаҳзаси ва манбаси эканига далолат қилувчи мисолларни тажрибадан ўтказганмиз. Дин нафсга қувват, тасалли ва сабр беради. Агар дин бўлмаганида эди, бахт бўлмас эди. Ҳаётнинг ҳам қиймати бўлмас эди. Биз шунга амин бўлишимиз мумкинки, ота-боболаримиз имонлари туфайли биздан бахтлироқ бўлишган. Ёшларимиз эса, имондаги гумонлари ёки ҳеч бўлмаганда лоқайдликлари сабабидан улардан бахтсизроқ бўлиб қолмоқдалар. Хоҳласангиз, икки оилани таққослаб кўринг: бири ҳаётини динга асосан қурган ва уни маҳкам ушлаган, иккинчиси, динга эътибор бермаган ва ундан узоқ бўлган. Уларнинг қай бири бахтлироқ?
Менинг фикримча, оилаларнинг бахтсиз бўлишидаги энг катта сабаб оиладаги ўғил-қизлар бирор иш қилишда Аллоҳ таоло кузатиб турганини ҳис қилмасликларидир. Улар ўзларининг нафслари ва кўнгиллари тусаган ишни қиладилар. Натижада бирор диний асоссиз ёки оқибатини ўйламай ўз рағбатларини бажарадилар.
Агар оилада дин тарқалган бўлса, унда бахт ҳам тарқалган бўлади. Хусусан, динга бидъатлар, турли иримлар ва тўқима тушунчаларсиз амал қилинса шундай бўлади”.
Давоми бор
Доктор Ҳассон Шамсийнинг "Бахт улашинг" китобидан
Раҳматуллоҳ Махсумхонов таржимаси
Ижтимоий тармоқларда бизни кузатинг:
Telegram (http://t.me/muslimaatuz) | Facebook (https://www.facebook.com/facemuslimaat) | Instagram (https://instagram.com/muslimaat_uz?igshid=1tqzry8rnrc5i) | Youtube (https://www.youtube.com/user/shogirdcha)
