Рамазон фазилатлари 9-10 ҳадислар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

9

عَنْ أَبِي هُرَيْرَةَ، عَنِ النَّبِيِّ صَلَّى اللَّهُ عَلَيْهِ وَسَلَّمَ، قَالَ: «إِذَا كَانَ شَهْرُ رَمَضَانَ صُفِّدَتِ الشَّيَاطِينُ، وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ، فَلَمْ يُغْلَقْ مِنْهَا بَابٌ، وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ، وَللَّهِ عُتَقَاءُ مِنَ النَّارِ فِي كُلِّ لَيْلَةٍ».

حسن.

Тўққизинчи ҳадис

Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам шундай дедилар:

«Рамазон ойи бўлса, шайтонлар ва бебош жинлар  занжирбанд қилинади, дўзахнинг эшиклари ёпилади, улардан бирорта эшик очилмайди, жаннат эшиклари очилади, улардан бирорта эшик ёпилмайди ва бир жарчи: «Эй яхшиликни истаб юрган, кел! Эй ёмонликни истаб юрган, қисқартир», дея жар солади. Ҳар кеча Аллоҳнинг «дўзах озод»лари бўлади».

Ҳасан ҳадис.

«Дўзах озод»лар деганда дўзахга ҳукм қилинганларнинг ундан озод бўлганлари тушунилади.

 

10

عَنْ أَبِي قِلابَةَ، أَنَّ النَّبِيَّ صَلَّى اللَّهُ عَلَيْهِ وَسَلَّمَ، قَالَ: «قَدْ جَاءَكُمْ شَهْرُ رَمَضَانَ افْتَرَضَ اللَّهُ عَلَيْكُمْ صِيَامَهُ، تُفَتَّحُ فِيهِ أَبْوَابُ السَّمَاءِ، وَتُغَلُّ فِيهِ الشَّيَاطِينُ، وَتُغَلَّقُ فِيهِ أَبْوَابُ الْجَحِيمِ، وَفِيهِ لَيْلَةٌ خَيْرٌ مِنْ أَلْفِ شَهْرٍ».

حسن.

Ўнинчи ҳадис

Абу Қилоба раҳимаҳуллоҳдан ривоят қилинади. Набий соллаллоҳу алайҳи васаллам бундай дедилар:

«Сизларга Рамазон ойи келиб бўлди. Аллоҳ сизларга унинг рўзасини фарз қилди. Унда осмон эшиклари очилади. Унда шайтонлар кишанланади. Унда дўзах эшиклари ёпилади. Унда минг ойдан яхши бир кеча бордир».

Ҳасан ҳадис.

Мавзуга оид мақолалар
Аллоҳ таолонинг маърифати ва ваъдасининг тасдиғи ҳосил бўлса ҳамда умрнинг қисқалиги англаб етилса, ўша давоми...

15:26 / 29.11.2016 5360
gallery linkfile ids7962,7963,7964,7958,7966 22 май куни Россия Федерациясининг Оренбург вилоятидаги  «Ҳусайния» мадрасасида давоми...

10:13 / 07.02.2017 6120
Аллоҳ таоло Исро сурасининг 36оятида марҳамат қилади «Ўзинг билмаган нарсага эргашма Албатта, қулоқ, кўз ва давоми...

08:46 / 25.05.2019 4044