Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Халқаро ҳалол истеъмол моллари кўргазмаси бўлиб ўтади

Жорий йилнинг  11 апрелнинг  куни Покистоннинг Лахор шаҳрида 6-Халқаро ҳалол истеъмол моллари конференцияси ва кўргазмаси ўз ишини  бошлайди. Тадбир ташкилотчиларининг мақсади,  чорвачилик ҳамда ҳамкорликда ишловчи соҳаларнинг имкониятларини  халқаро уюшмаларга намойиш этиш орқали Покистондаги ҳалол маҳсулотлар савдосини ривожлантиришдир.

Форум фаолияти давомида  бир қанча давлатлар, шулар жумласидан Қозоғистон, Хитой, Малайзия, Туркия, Саудия Арабистонидан  мутахассислар иштирок этадилар.  Режага биноан, тадбир иштирокчилари  ўз кўзлари билан кўриб, баҳолаб ва кейинчалик ислом давлатидаги соҳаларнинг ютуқларини ёритиб беришлари учун чорвачилик фермалари, қушхоналар ва бир қатор ҳамкор корхонларга бориб келадилар.     

Тадбирнинг бош  бошқарувчиси доктор Ҳамид Жалил: « Покистон жаҳон ҳалол саноатида  етакчи ўринлардан бирини эгаллашда  барча имкониятларга эга», - деди.