Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Асли, сиз гўзалсиз, муслима қизлар.
Дунё ишларидан безиб кўнгил дер,
Соф эрур ҳижобга ўранган юзлар.
Дунё Жульеттага кўнгил қўявер,
Асли, сиз гўзалсиз, муслима қизлар.
Чирқин нигоҳлардан гўзаллик истаб,
Баъзилар пойига чўкканда тизлар,
Мен баланд овозда бақиргум юзлаб,
Асли, сиз гӯзалсиз, муслима қизлар.
Голливуд, Болливуд томонлардачим.
Саҳнага товланиб чиққанда безлар.
Ойнаи жаҳонни ўчириб дегум,
Асли, сиз гўзалсиз, муслима қизлар.
Кўкраклар очилган ярим-яланғоч,
Оғзидан тушмагай бешарм сўзлар.
Уларнинг макридан топиб бир илож,
Асли, сиз гўзалсиз, муслима қизлар.
Тўғри, яланғочлар яйрабон обдон,
Зинокор қавмини гуноҳга тезлар.
Кўнглингиз тубида қолмасин армон,
Асли, сиз гўзалсиз, муслима қизлар.
Улар гўзалликни қиларлар даъво,
Лек эрлар улардан неларни излар.
Суйкалмай кўнгилни кўрмагай раво,
Асли, сиз гўзалсиз, муслима қизлар.
Маломат пайтлари ортга қочган дам,
Нур мисоли осмонда порладингиз.
Ишонинг: дунёвий ўлчовларда ҳам
Асли, сиз гўзалсиз, муслима қизлар.
