Каъба атрофидаги қурилиш ишлари вақтинчалик тўхтатилди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Турк Оммавий Ахборот Воситаларининг хабар беришича, Маккада Каъба атрофидаги Масжидул Ҳаромда бўлаётган қурилиш чоғида тупроқ чўкди. Саудия Арабистонининг Ҳаж Ишлари Вазирлиги вакили Аҳмад ал-Мансурийнинг сўзларига кўра,«Тупроқнинг чўкишига жадал (интенсив) қурилиш ишлари сабаб бўлган. Ҳодиса сабабли ҳеч ким азият чекмади (қурбонлар ва ярадорлар йўқ)», деб хабар беради у. Каъба атрофидаги майдонни кенгайтириш ва қайта қуриш ишлари ҳаж мавсуми тугаши билан бошланган ва тўхтовсиз давом этаётган эди. Турк ширкатларидан бири олиб бораётган қурилиш ишлари 2014 йилги ҳаж мавсуми бошлангунча тугалланиши режалаштирилган эди. Тупроқ кўчиши туфайли қурилиш ва кенгайтириш ишлари вақтинчалик тўхтатилди.
«islam.ru» сайтидан олинди.
