She'r
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бандадирсан, бандаликни исбот этиб,

Хато қилсанг, маломат қилгувчи кўп,

Бу онларда виждонидан сабот топиб,

Маломатдан саломат қолгувчи йўқ!


Бу оламда осон ишни севди барча –

Шод қалбингга қайғу олиб келгувчи кўп,

Юрагига ханжарларни аччиқ санчиб,

Лек қайғуйинг зиммасига олгувчи йўқ.


Бори элнинг мулки эрур бахтиёрлик,

Истасанг-да, ғамни олмоқ иш имконсиз.

Мағлубият ҳосилидир хор-у зорлик,

Ғалабангдан фойда кутган эрур сонсиз.


Зулм зулмат каби қоплаб бу оламни,

Марҳаматнинг нурларига дил муштоқдир.

Олтинларга кўмилса-да боши қадар,

Марҳаматсиз бўлса инсон, энг қашшоқдир.


Айланишдан тўхтамайди чархи фалак,

Айланишдан тинмагайдир бир дам замон.

Адолатнинг боғларида унган чечак

Димоғимиз хуш этаркан, Роббим, қачон?..


Хато қилмоқ ҳар банданинг касби кори,

Ато қилмоқ Сенга хосдир, Робби Карим!..

Ўзинг бўлгин ожизларнинг мададкори,

Остонангга бошим қўйдим кўнглим ярим...


Акром МАЛИК

Манба
Мавзуга оид мақолалар
Қалбларга юпанч бўлишга ҳарис бўлинглар. У инсонни муваффақият томон бошлайди. Мана, Эдисонни олайлик, олим давоми...

22:28 / 08.03.2023 2397
gallery linkfile ids4904,4903,4881,4910,4922 Кеча «islom.uz» порталида Набийимиз соллаллоҳу алайҳи васалламнинг мавлидларига давоми...

11:06 / 01.02.2017 6996
Ассалому алайкум. Ёшим йигирма бешда. Икки ёшли ўғлим бор. Суткалик нормал уйқу қониқтирмайди. Режалаштирган давоми...

07:14 / 07.01.2023 8611
Рўза ҳайити шарафига Москвада 20 та ресторан ва кафеларда ташрифчиларга ширинлик, пишириқлар ва дессертлар давоми...

21:31 / 25.01.2017 3950