Янги китоблар тақдимоти бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Куни кеча “Ҳилол-нашр” нашриётининг анжуманлар залида Шайх Муҳаммад Содиқ Муҳаммад Юсуф таржимаси билан Шайх Муҳаммад Аввоманинг “Фақиҳ имомлар ихтилофида ҳадиси шарифнинг ўрни” ва Исмоил Муҳаммад Юсуф таржимаси остида доктор Муҳйиддин Муҳаммад Аввоманинг “Жавомеъул Калим” китобларининг тақдимоти бўлиб ўтди.

Мазкур тақдимот маросимига муаллифларнинг ўзлари ҳам аҳли оилалари билан азиз меҳмон сифатида ташриф буюришди.

Тақдимотни Қуръон тиловати очиб берди. Сўнгра Исмоил Муҳаммад Юсуф меҳмонларни йиғилганларга таништирди.

Шунингдек, муҳаддис олим, ҳофизи Қуръон Шайх Муҳаммад Аввома ҳазратларига ҳам сўз навбати берилди. Буюк олим ўз китобининг ёзилиш тарихи билан ўртоқлашар экан, уни узоқ йиллар давомида ёзганини билдирди.

Йиғилганлар тақдимот маросимида мазкур икки китобнинг аҳамияти билан батафсил танишдилар.

Шу куни “Ҳилол-нашр”нинг бош дўконида бу китобларнинг сотуви ҳам йўлга қўйилди.

Меҳмонлар тақдимотдан сўнг “Ҳилол-нашр” нашриёти, босмахонаси ва бош китоб дўкони фаолияти билан танишдилар.

Зуҳрахон ҲАМДАМОВА

“muslimaat.uz” учун махсус тайёрлади.

Мавзуга оид мақолалар
ИККИНЧИ ЖАҲОН УРУШИ ҚАТНАШЧИЛАРИ МУБОРАК ҲАЖ САФАРИГА ТАРАДДУД КЎРМОҚДАЛАР  Маълумки, бу йил Давлатимиз давоми...

23:41 / 17.07.2017 14718
Фарзандимизда намоён бўладиган ҳар бир салбий жиҳатларга эътибор бериб, айб иш қилганда маломат қилишга давоми...

21:10 / 29.12.2016 3106
БЎҲТОН   Маънавий жиноятлар ҳақида сўз кетар экан, уларнинг моддий, яъни жисмонан ҳис этиладиган жиноятдан давоми...

21:42 / 20.03.2017 4083
Агар Қуръони Карим оятларини чуқур мушоҳада қилсак, ҳақиқий тақво инсонлар ўртасида чиройли ва мустаҳкам давоми...

18:39 / 27.11.2016 4043