Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Бугун 13 феврал 2018 йилдан Тошкент шаҳри бўйлаб ҳудудлараро Қуръон мусобақаси бошланди. Уч кун ўтказилиши мўлжалланаётган бу муборак беллашувни халқ интиқлик билан кутганини томошага йиғилган опа-сингилларимиз ва онахонларимиздан кўриш мумкин.

Тошкент шаҳри бўйича мусобақанинг дастлаб туман босқичларида жами 486 киши иштирок этади. Уларнинг 302 тасини эркак иштирокчилар, 184 тасини аёл-қизлар ташкил қилади.

Мусобақанинг Тошкент шаҳар ҳудудий (туман) босқичлари 2017 йил 13-15 феврал кунлари ўтказилиши белгиланган. Туман босқичлари қуйидаги жойларда ташкил этилади: Шайхонтоҳур туманидаги аёл-қиз иштирокчилар 13 феврал куни “Мумтоз” ресторанида, Олмазор туманидаги беллашувчилар эса 14 февралда “Фаровон” ресторанида, Юнусобод туманидагилар эса “Осиё” ресторанида, Чилонзор туманидаги қатнашувчилар “Бисёр” ресторанида, Яшнобод туманидаги аёл-қизлар “Янгиобод” ресторанида ўзаро беллашишлари кутилмоқда.

Барча иштирокчиларга Аллоҳ таолодан муваффақиятлар тилаган ҳолда хабарлар давомини биз билан кузатишингизни сўраб қоламиз.

Зуҳрахон ҲАМДАМОВА

“muslimaat.uz” учун махсус тайёрлади.