Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Фарғона вилояти бўйлаб Қуръон мусобақалари бошланди
Ўзбекистон Республикаси президенти Шавкат Мирзиёев ташаббуси билан ва Ўзбекистон мусулмонлари идораси бошқаруви остидаги Қуръони Карим қироати мусобақаси 2018 йилнинг 6 февралидан Фарғона вилояти бўйлаб бошланди. Мазкур вилоят туманларида мусобақалар тўрт кун давомида ўтказилиши кўзда тутилган.
Статистика маълумотларига қараганда, Ўзбекистон вилоятлари ичида мусобақада иштирок этиш учун энг кўп аризани Фарғона вилоятида яшовчи қори ва қориялар топширганлар. Уларнинг сони жами 1237 нафар бўлиб, шундан 711 та эркак ва 526 та аёл иштирокчилардир.
“Муслимаат.уз” жамоаси бугун уч ҳудудда – Бувайда тумани, Қўштепа ва Ўзбекистон туманларида бўлиб ўтаётган аёл-қиз иштирокчилар ўртасидаги мусобақаларни ёритишни ният қилишган.
Биз билан қолинг, ҳали ажойиб хабарлар олдинда...
Зуҳрахон ҲАМДАМОВА
