Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 “Биллурларни синдириб қўйма!” 

“Ва албатта, Сен улкан хулқдасан!” (Қалам сураси, 4-оят). Сиз қиёмат куни Одам фарзандининг саййиди, устидан қабр биринчи ёриладиган инсон, биринчи шафоат қилинувчи ва биринчи шафоат қилувчисиз, ё Расулуллоҳ!.. Қиёматда тўпланиб келганларнинг хатиби, ноумид бўлганларида уларнинг хушхабарчисидирсиз, эй оламларнинг Сарвари... Сиз завжаи мутоҳҳаралари бор туяларни етаклаб кетаётган сарбонга қарата: “Оҳиста юр, биллурларни синдириб қўйма!” деган зотсиз!

Қўлларингизни кўтариб: “Аллоҳим! Умматим! Умматим!” деб йиғлаган ва Аллоҳ таолонинг: “Албатта, Биз сенинг умматинг ҳақида рози қилурмиз, сенга ёмонлик қилмасмиз”, деган ваъдасини олган Роббимизнинг сўнгги Пайғамбарисиз! Сиз буюк хулқ узрадирсиз! Сизни соғиндик, эй оламларга раҳмат Пайғамбар!..

Соллаллоҳу алайҳи ва саллам!

Муштарий