Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«АҚШ Президенти Барак Обама сешанба куни АҚШнинг шарқий қирғоқларида жўш ураётган кучли довул «Санди» муносабати билан Нью-Йорк штатини ҳалокат зонаси деб эълон қилди», деб хабар беради АҚШнинг КНН телеканали.

«Санди» довули Нью-Йоркга сешанбага ўтар кечаси шиддат билан ёпирилди. Сўнгги маълумотларга кўра, АҚШ ва Канадада нобуд бўлганлар сони 20га етди. Ҳалок бўлганлар орасида Нью-Йорк, Нью-Жерси, Мериленд, Коннектикут, Пенсилвания, Ғарбий Виржиния штатлари ва Торонто (Канада) шаҳри аҳолиси бор.

Одамларнинг ҳалокатига сабаб, дарахтлар йиқилишида, улкан реклама шитлари, йўл белгилари қулашлари деб кўрсатилмоқда. Бундан илгари Нью-Йорк, Мериленд, Массачусетс, Нью-Жерси, Коннектикут, Пенсилвания, Род Айланд, Делавер штатларида ва Колумбия округида фавқулодда ҳолат эълон қилинган эди.

(«РИА новости» дан) Муслима Робиа