Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Табрик
Бисмиллаҳир роҳманир роҳийм
Алҳамду лиллаҳи Роббил аламийн вассолату вассаламу ала хойри холқиҳи ва ала алиҳи ва соҳбиҳи ажмаъийн.
Ассаламу алайкум ва роҳматуллоҳи ва барокатуҳ
Сиз муҳтарам ва муҳтарамаларни мусулмон умматининг икки улуғ байрамидан бири бўлмиш Қурбон байрами билан чин қалбимдан табриклашга ижозат бергайсиз.
Бу байрам Ҳаж ибодатига боғлиқ байрам бўлиб, Аллоҳ таолога барча нарса мусулмон уммати томонидан Қурбон этишга тайёр эканлигини изҳор этиш байрамидир. Бу байрамни Аллоҳ таоло ҳаммамиз учун қувонч ва сурур байрами, шодлик ва ғурур байрам бўлишини насиб этсин. Аллоҳ таоло барчамизни бу каби байрамларга соғ-саломат, тинч-омон, Ўзининг ибодатига собит қадам бўлган ҳолимизда қайта-қайта эришишимизни насиб этсин. Улуғ байрам билан чин қалбдан табриклаш ила барчангизга соғлик-саломатлик, бахту саодат, хайр-барака тилаб қоламан. Яна бир бор ҳаммангизга Қурбонлик байрами қутлуғ бўлсин!
2014 йил
Шайх Муҳаммад Содиқ Муҳаммад Юсуф раҳимаҳуллоҳ
